يوں نہ تھا ميں نے فقط چاہا تھا يوں ہو جائے

“ذہن مائوف کردیا گیا ہے“ کا کیا مطلب !

باتمبیز بھائی ! ذرا روشنی ڈالیں‌ ۔

راشد اور کامران میں حیران ہوں کہ جس شخص نے اپنی ذاتی انا کو تسکین پہنچانے کے لئے ایک منتخب وزیراعظم کو چلاوطن کرکے حکومت پر قبضہ کرلیا ، آئین کو ایک نہیں دو دو مرتبہ معطل کیا ، اپنی فوج کو اپنے ہی لوگوں‌ سے لڑایا ، اپنی ہم وطنوں‌ کا خون بہایا ، اپنے لوگوں کو امریکہ کے ہاتھ بیچ دیا ، ملک میں طویل ترین ایمرجنسی لگائی ، انسانی حقوق معطل کئے ، میڈیا کو اپنی طرف سے دی ہوئی نام نہاد آزادی سے محروم کیا اور پتہ نہیں کیا کیا ، کیا ۔ اور ان سب کاموں کو ڈھٹائی سے کیا ، کوئی شرمندگی نہیں‌ ، کوئی معافی نہیں‌ مانگی ۔ انہوں نے کہا کہ اگر نواز اسے برطرف نہ کرتے تو آج وہ وزیراعظم ہوتے ! انہوں نے کہا کہ اگر سپریم کورٹ کے بعض جج صاحب حکومتی کاموں میں “مداخلت“ کرکے حالات نہ بگاڑتے تو وہ ایمرجنسی نہ لگاتے ۔ انہوں نے سپریم کورٹ‌ کے ججوں پر نہایت ڈھٹائی کے ساتھ الزام لگایا کہ وہ ملک جمہوریت کے نفاذ کے راہ میں رکاوٹ بن رہے تھے ۔ وہ جمہوری کے نفاذ‌ کے نام نہاد آخری مرحلے (جس میں انہیں صدر منتخب ہونا تھا ) کی راہ میں روٹے اٹکا رہے تھے ، میڈیا اگر حالات خراب نہ کرتی تو ان پر پابندی نہ لگتی ۔ ان سب باتوں کے باوجود آپ کو ان کی ذات بابرکات سے کچھ بہتری کی امید تھی ! کیا آپ سمجھتے تھے کہ وہ ذاتی طور پر اچھے آدمی ہیں !‌ کیا واقعی آپ سمجھتے تھے کہ وہ سب کچھ ذاتی وجوہ کی بنا پر نہیں بلکہ مخلصانہ طور پر کررہے تھے ۔ یاللعجب !!‌‌

اس کے لیے صرف 12 اکتوبر 1999 کے بعد کے اخبارات پڑھ لینا کافی ہے۔ آج جتنے تبصرہ نگار مشرف اور اس کے حواریوں کے بخیے ادھیڑ رہے ہیں، اس وقت یہ سبھی نواز شریف کی حکومت کی برطرفی پر خوش ہو رہے تھے۔ شاید ہماری قوم کے مزاج میں ہی ہر اندرونی اور بیرونی حملہ آور کو خوش آمدید کہنا ہے۔ مشرف سے حسن ظن رکھنے کی غلطی مجھ سے بھی سرزد ہوئی ہے۔ کم از کم ایک فراڈ ریفرینڈم سے خود کو اقتدار پر مسلط رکھنے سے پہلے تک میں اس سے اچھی توقع ہی رکھتا تھا۔

ہم نے اتنے دھوکے کھائے کہ اب کسی سے حسن ظن رکھنا ہی چھوڑ دیا ہے۔ اب تو ہم اعمال دیکھ ہی کر یقین کرتے ہیں‌کہ کون مخلص ہے۔

الحمد اللہ میرا سابق جنرل صاحب کے بارے میں روز اول سے یہی موقف ہے کہ چاہے وہ ذاتی طور پر اچھے آدمی ہو لیکن ان کے کام اچھے نہیں اور سب سے پہلے ان کے آنے کا طریقہ ہی غلط ہے اب چاہے وہ لاکھ اچھے کام کرے لیکن اس نے انٹری ہی غلط کی ہے اس لئے وہ غلطی پر تھے ، غلطی پر ہیں اور غلط رہیں گے ۔

دسمبر 2007 سے آج مئ 2008 کے واقعات کے بعد مجھے افسوس کے ساتھ کہنا پڑ رہا ہے کے ججز کی بحالی کا معاملہ اتنا پیچیدہ ہوگیا یا کر دیا گیا کے معزول ججز دانستگی یا نادانستگی میں سیاسی فریق بن گئے اور میں سمجھتا ہوں کے اب اگر یہ جج بحال کر بھی دیے جائیں تو اخلاقی سطح پر انہیں غیر جانبدار تصور کرنا مشکل ہوگا۔