يوں نہ تھا ميں نے فقط چاہا تھا يوں ہو جائے

ایک اہم مسئلے کی طرف آپ نے اپنے دلچسپ انداز میں بہت خوب لکھا ہے۔ ہزار فلٹر لگا لیں، ہزار میل رولز بنا لیں، لیکن یہ حکماء ایسے سخت جان ہیں کہ گھس ہی آئیں‌گے میل باکس میں، میں روزانہ اپنی بزنس میلز میں سینکڑوں اپیم میلز دیکھتا ہوں کہ ناعاقبت اندیش مینیجرز نے ای میل ایڈریس جگہ جگہ دے رکھے تھے۔ اسکا یہی حل کارگر ہے کہ اپنا ای میل ایڈریس کسی ‘پاپولر’ سائٹ پر مت دیں!
ویسے کافی سال پہلے سنا تھا کہ امریکن کانگریس اس پر کوئی قانون بنانا چاہ رہی ہے لیکن شاید وہی بات صحیح ہے کہ ‘سب سے بڑا ہے پیسہ پیر’۔

واہ صاحب کیا انداز بیاں‌اپنایا ہے۔ ویسے بیماری کا علاج اس دیوانے سے ملے گا جس نے بیوی اور محبوبہ دونوں‌کو بیک وقت خوش رکھا ہوا ہو گا۔ یعنی آپ دو ای میل ایڈریس رکھیں ایک ذاتی اور دوسرا کمرشل۔ اس سے سادہ نسخہ شاید ابھی کسی حکیم نے دریافت نہیں کیا ہو گا۔

بہت بہت بہت اعلیٰ تحریر ہے۔ ایک عام مسئلے کو جس لطیف پیرائے میں بیان کیا ہے واللہ دل خوش کر دیا۔ آپ کی ہر تحریر پر اپنی نظر انتخاب کو داد دیتا ہوں کہ بہترین بلاگر کے لیے آپ کو ووٹ بالکل درست دیا تھا۔ اللہ کرے زور قلم اور زیادہ۔
چند جملے اس تحریر میں تو شاہکار کا درجہ رکھتے ہیں، حوالہ نہیں دیتا کہ قدامت پسندی کو ٹھیس پہنچتی ہے

جعفر صاحب ۔۔ آپ کی ذرہ نوازی ہے ورنہ کہاں یوسفی صاحب‌ اور کہاں ہم جو ادھر ادھر کے جملے جوڑتے ہیں۔ ساری زندگی بھی لکھتے رہیں‌تو بھی یوسفی صاحب کے ایک مضمون “کافی” کی چند سطور تک بھی نہ پہنچ سکیں۔۔ شعر میں تصیح کا شکریہ؛ میں‌نے اپ ڈیٹ‌کردیا ہے۔ آپ کی آراء کا ہمیشہ انتظار رہتا ہے۔

وارث صاحب ۔۔آپ کی پسندیدگی کا شکریہ۔۔ ہاں یہ تو ہے کہ ایک دفعہ ای میل ایڈریس اپنے علاوہ کسی اور کو بتایا اور پھر “کو بہ کو پھیل گئی بات شناسائی کی”۔۔ اسپیم پر قانون سازی تو ہوگئی ہے لیکن بس پچھلے دروازوں‌سے انکا سلسہ دراز ہی رہتا ہے۔۔ بس اللہ سب کو اسپیم سے بچائے۔

افضل صاحب‌۔۔ حوصلہ افزائی کا شکریہ۔۔ ہاں ای میل تو کئی رکھنے پڑتے ہیں‌۔۔ خاص کر آفیشل کو تو بڑا بچا کر رکھنا پڑتا ہے ورنہ ایک بار کسی اسپیمر کے ہتھے چڑھ گیا تو پھر خیر نہیں۔

ابو شامل صاحب۔۔ واللہ آپ کی عنایات ہی لکھنے کی امنگ پیدا کرتی ہیں۔ خوش نصیبی مکمل میری کے آپ جیسے قاری میسر ہیں جو بین السطور دیکھ پاتے ہیں اور حوصلہ افزائی کرتے ہیں۔

واہ جی واہ
دل خوش ہو گیا
بڑے دنوں بعد ایک انتہائی مزیدار تحریر پڑھی
جو پھر سے اپنی لغت میں کافی سارے الفاظ کے داخلے کا سبب بنی
بہت ہی عمدہ

ڈفر صاحب ۔۔ آپ کی پسندیدگی پر انتہائی مشکور ہوں۔

پتا نہیں کیا وجہ ہے
کوئی مجھے صاحب کہے تو بیستی بیستی سی محسوس ہوتی ہے
😀

صاحب آپ تو ای میلز میں ایسی خرافات پر بھنے بیٹھے ہیں۔ کبھی نظر اخبارات کے اتوار ایڈیشنز پر بھی دوڑائیے جہاں حکما و اطبا جسمانی تو چھوڑ روحانی بیماریوں کے کما حقہ علاج کا دعویٰ کرتے نظر آتے ہیں۔ جسمانی ساخت تو معمولی بات ہے کہ جسکو عام ادویات مثلاً فربینا وغیرہ سے درست کیا جاتا ہے اور کہاں ابھار معاف کیجئے گا اتار ضروری ہے کہاں چڑھاؤ وغیرہ ان سب کا شافعی علاج کیا جاتا ہے لیکن روحانی بیماریوں مثلاَ محبوب آپکے قدموں میں (یعنی دوسری پارٹی کے بالمشافہ علاج کی سہولیات بھی پیہم موجود ہیں، بل ظاہر ہے کہ آپ ہی بھریں گے(، کی درستگی کا وعدہ بھی کیا جاتا ہے۔ اگر آپ ماضی میں ایسے ویسے تھے تو بچپن کی غلط کاریوں کا علاج تو کوئی مسئلہ ہی نہیں۔
اخبارات تو آپ پھر بھی خرید کر پڑھیں گے لیکن جی ٹی روڈ کے ساتھ ساتھ ان ہزاروں دیواروں کا کیا کیجئے جنکے نصیب میں چونا صرف اسوقت ہوتا ہے جب پرانے اشتہارات مٹا کے نئے لکھے جاتے ہیں۔ انہی دیواروں پر کسی سیانے کا قول جلی حروف میں لکھا نظر آتا ہے کہ مرد کبھی بوڑھا نہیں ہوتا۔ اب یہ آپکی ازدواجی زندگی پر منحصر کہ اس جانب آپ اپنی رفیقہ حیات کی توجہ دلا کر اپنی نئی شادی کےلئے انکا ذہن تیار کرتے ہیں یا پھر خدا نخواستہ وہ غیرت ایمانی کے بیدار کرنے کو آپ کو ایسے اشتہارات دکھاتی ہیں کہ جہاں مخصوص لمحات کی طوالت کا عندیہ دیا جاتا ہے۔
یار زندہ صحبت باقی۔۔۔

فیصل بھائی یہ تو آپ نے معاملے کی دکھتی رگ پر ہاتھ رکھ دیا ۔۔ وہ کیا کہتے ہیں کہ “وہ چھاپیں اور پڑھا کرے کوئی”‌ والا مسئلہ ہے اور آدمی کے پاس برداشت کرنے کے علاوہ چارا ہی کوئی نہیں۔ ابھی کل اخبار میں تصویر دیکھی کہ سورج گرہن سے علاج کے لیے کسی اچھے بھلے باریش آدمی نے بچی کو زمین میں گاڑ رکھا ہے۔ ایسے میں یہ اشتہارات بمعہ دیوار کیونکر نہ کارگر ہوں اور اخبارات کا کیا ہے کہ بس پیسے آنے دے۔۔

[…] تصاویر بتاں از راشد کامران، جعفر کے بلاگ سے انتخاب میں مشکل ہو رہی […]

[…] تصاویر بتاں از راشد کامران، جعفر کے بلاگ سے انتخاب میں مشکل ہو رہی […]