يوں نہ تھا ميں نے فقط چاہا تھا يوں ہو جائے

کامران بہت زبردست لسٹ پیش کی ہے میرے پاس عموماً اوپن سورس ہی استعمال ہوتے ہیں سوائے اس کے جس کے بغیر گزارہ مشکل ہومثلاً:: آفس، ونڈو اور فوٹوشاپ کے باقی سب فری کا ہے۔ ونڈو کو لینکس پر بوجہ نیٹ کنورٹ نہیں کرسکتا۔

راشد صاحب
موجودہ سافٹ وٕئر کی بجائے متبادل سافٹ وٕئر استعمال کرنا ایسے ہی ہے جیسا کہ کمپیوٹر ایک بار پھر ابتدا سے سیکھنا۔ جیسے میں ایک گرافک ڈیزائنر ہوں، میں نے پروفیشنل سافٹ وئر کی تعلیم حاصل کی جو کہ مفت نہیں ہیں، جیسے کورل ڈرا، تھری ڈی میکس، ایڈوبی پرئمیر، میری ملازمت کا دارو مدار میری ان سافٹ وئر میں مہارت پر ہے، اگر میں یہ سافٹ وئر چھوڑ دوں تو مجھے اپنی نوکری سے ہاتھ دھونے پڑیں گے، کیوں کہ مام پروفیشنل سافٹ وئر کے متبادل مفت سافٹ وٕئر موجود نہیں۔ تو میرے جیسے افراد کیا ایک بار پھر پروفیشنل ٹریننگ کورسز کرنے کے لیے جائیں؟ جبکہ اس بات کی بھی کوئی ضمانت نہیں کہ مفت سافٹ وئر کی پروفیشنل ٹریننگ کرانے والے ادارے موجود ہیں۔ اسی طرح جو افراد مائیکروسافٹ اپریٹنگ سسٹمز اور نیٹ ورک کی تعلیم حاصل کر چکے ہیں ان کو بھی ملازمتیں چھوڑنی پڑیں گی، مفت سافٹ وئر کا شعبہ ابھی اپنی ارتقائی مراحل میں ہے۔ تونئے سیکھنے والوں کو ان سافٹ وئر کی ترغیب دینا ، پوری قوم کو 10 سال پیچھے دھکیلنے کے مترادف ہے

بہت عمدہ کامران بھائی۔ حتی الامکان کوشش کے باوجود، اکثر حضرات اوپن سورس ڈھونڈنے میں کامیاب نہیں ہو پاتے۔ امید ہے آپ کے مراسلہ سے کافی مدد ملے گی۔ اگر ممکن ہوسکے تو illustrator کا متبادل بھی بتلادیں۔

یہاں میں یاسر عمران مرزا بھائی سے کلی اتفاق کرتے ہوئے کہنا چاہوں گا کہ یہاں لوگوں کی انتہائی قلیل تعداد پائیریسی کے قانون و احترام سے واقف ہے۔ یہی وجہ ہے کہ کمپیوٹر کے بڑے تعلیمی ادارے، جو خود کو عالمی طرز کا ثابت کرنے کے لئے ایڑی چوٹی کا زور لگاتے ہیں، پائریٹڈ آپریٹنگ سسٹم و دیگر سوفٹوئیر ہی استعمال کرتے ہیں۔ نا صرف نجی یونیورسٹیز بلکہ حکومت کے زیر انتظام یونی ورسٹیز میں بھی یہی کچھ ہورہا ہے۔ ایسے میں تعلیم کی شروعات جس سوفٹوئیر سے ہو، عموما اسے استعمال کرنے میں آفیت محسوس کی جاتی ہے۔

اخبار اٹھا کر اگر کمپیوٹر کے شعبہ میں ملازمتوں کے مواقع دیکھیے جائیں تو سو فیصد مانگ ان لوگوں کی ہوگی جو کہ پائیریٹڈ سوفٹوئیر میں مہارت رکھتے ہوں۔

یاسر صاحب اور اسد صاحب آپ حضرات کے تبصروں کا شکریہ۔
یہ تو ہے کہ پائریسی کے متعلق شعور بتدریج ہی پیدا ہوگا لیکن جہاں تک ٹرینگ کا تعلق ہے تو میں‌ سمجھتا ہوں‌کہ ہر نئے ٹول یا ورژن کے لیے نئے سرے سے ٹرینگ درکار نہیں ہوگی۔۔ گرافکس ڈیزائنرز بڑے ہی آرام سے کسی بھی ٹول پر تھوڑی سے محنت سے کام کرسکتے ہیں۔

لسٹ کے بالکل نیچے میں‌ نے ایک لنک دے رکھا ہے وہاں‌سے کسی بھی کمرشل سافٹ ویر کا اوپن سورس تلاش کیا جاسکتا ہے۔۔
http://www.osalt.com/

بہت اچھی دلائل دی ہیں آپ نے اور قائل ہونے کے علاوہ اور کوئی چارہ نہیں۔ مجھے اس میں کوئی شک نہیں کہ پائریسی چوری ہی ہے۔

بالکل پائریسی چوری ہی ہے۔
لیکن ۔۔۔۔ کہاں جائیں اور کوئی راستہ بھی نہیں۔ اوپن سورس اچھا ہے لیکن نوازائیدہ شاید یہ کبھی بھی پنپ نہ سکے جیسے کمرشل سافٹویر ہیں۔

نعمان۔ شکریہ۔ ۔
دوست۔ کچھ اوپن سورس شاید نئے ہیں۔۔ لیکن کمرشل اور اوپن سورس دونوں صورتوں میں کوئی پراڈکٹ کامیاب ہوتی ہے اور کوئی نہیں ہوپاتی۔ جہاں تک پنپنے کی بات ہے تو لینکس آپریٹنگ سسٹم نہ صرف یہ کہ پوری طرح جڑیں پکڑ چکا ہے بلکہ دنیا کی کئی بڑی کمپنیوں میں لینکس بطور بنیادی پلٹ فارم کے استعمال کیا جاتا ہے اسی طرح کئی پراڈکٹ ہیں‌بلکہ ایک عام استعمال کے لیے آپریٹنگ سسٹم، براؤزر اور آٍفس تینوں اوپن سورس میں نہایت عمدہ پراڈکٹس ہیں۔ میں ذاتی طور پر یہ سمجھتا ہوں کہ جیسے جیسے سروس اورئینٹڈ آپریٹنگ سسٹم کا رواج بڑھے گا پاکستان جیسے ممالک کے لیے اوپن سورس کے علاوہ کوئی راستہ نہیں ہوگا کیونکہ انٹرنیٹ پر موجود اپلیکیشنز کی پائیریسی ناممکن نہیں تو آسان بھی نہیں ہوگی۔

بہت عمدہ پوسٹ ہے راشد مگر میں چاہوں گا کہ سافٹ وئیر بزنس ماڈل اور پائریسی پر ایک علیحدہ پوسٹ ہو کیونکہ یہ ایک بحث طلب اور خاصہ مشکل موضوع ہے اور میرا نہیں خیال کہ سافٹ وئیر کی موجودہ قیمت جو کمپنیاں چارج کرتی ہیں کسی طور پر جائز اور حدود میں ہے بلکہ حد سے بڑھی منافع خوری اور بے جا بوجھ ہے صارف جس کی وجہ سے پائریسی میں روز بروز اضافہ ہو رہا ہے اور ساتھ ساتھ آزاد مصدر کی طرف بھی لوگ جا رہے ہیں بلکہ آزاد مصدر کا پیدا ہونا اس ناجائز منافع خوری اور علم دشمنی کا رد عمل ہی تھا جس کی وجہ سے اب تمام سافٹ وئیر کمپنیوں کو آزاد مصدر کو طوہا کرہا قبول کرنا پڑا ہے۔

آپ کی لسٹ عمدہ ہے اور بہت سے لوگوں کو اس سے فائدہ ہوگا۔ اس میں AntiVirus AVG شامل کر لیں کیونکہ اس کی تقریبا سب صارفین کو ضرورت رہتی ہے۔ اس کے علاوہ اینٹی سپائی وئیر اور اینٹی میل وئیر کا بھی اضافہ کر لیں۔

چند مزید سافٹ وئیر جنہیں شامل کر لیں تو لسٹ اور بڑی ہو جائے گی ۔

لینکس میں ASUS اور Red Hat
سٹار آفس ( شاید بہت تھوڑی سی قیمت ہے اس کی (
براؤزر میں Opera
Advanced Graphics میں Paint.Net
سافٹ وئیر ڈویلپمنٹ میں NetBeans IDE

محب‌ آپ نے بڑی اہم چیز کی طرف توجہ دلائی یعنی اینٹی وائرس اور سپائی ویر۔۔ میں یہ تمام جلد اس جلد اس لسٹ‌میں شامل کردوں‌ گا۔ سٹار آفس تو میں نے پہلے ہی لکھ رکھا ہے لیکن کمرشل کے کالم میں۔

ناجائز منافع خوری تو ہر صنعت کا حصہ ہے۔۔ آپ دوائیں‌بنانے والی کمپنیوں‌کو دیکھیں لیکن یہ چوری کا جواز فراہم نہیں کرتی۔۔ شاید سافٹ ویر کی چوری آسان ہے یا دانستہ آسان رکھی گئی ہے اس لیے لوگ اس طرف راغب ہوتے ہیں۔

سافٹ‌ویر بزنس ماڈل پر میرا لکھنے کا ارادہ ہے اور آج مکی صاحب کے بلاگ پر انہوں نے ایک عمدہ مضمون کا ریفرنس فراہم کیا ہے تو امید ہے گفتگو جاری رہے گی اور ہم لوگ ایک منطقی نتیجے پر پہنچ سکیں‌گے۔

آپ کمپیوٹر اور آءی ٹی کے حوالے سے اپنی تحریریں پندرہ روزہ کمپیوٹر نیوز میں اشاعت کے لءے بھجوا سکتے ہیں۔۔ جو پاکستان کا پہلا اردو کمپیوٹر اخبار ہے۔

محمد موسیٰ طاہری
بانی و چیف ایڈیٹ

[…] نہ لے پائیں۔ جیسا کہ راشد کامران صاحب نے اپنی تحریر سافٹ ویر پائیریسی سے بچاؤ۔ ایک ممکنہ حل میں فرمایا کہ سافٹ ویر پرائس ماڈل دوسری مصنوعات کے […]

کچھ عرصہ پہلے میں نے بھی ایک آپ کی باتوں سے ملتی جلتی تحریر لکھی تھی۔اگر وقت ھو تو دیکھ لیں
شکریہ

شکریہ سعید صاحب۔۔ آپ نے عمدہ تحریر لکھی ہے۔۔ اور اب تو ویسے بھی ایپس کا دور دورہ ہے اور کچھ عرصے میں سافٹ ویر کی قیمتیں نا صرف کم ہوجائیں‌گی بلکہ فائل سسٹم جیسا ہمیں دکھائی دیتا ہے وہ بھی کافی بدل جائے گا اور پائیریسی کی ضرورت ہی شاید نا رہے۔۔ دیکھیں اونٹ کس کروٹ بیٹھتا ہے۔